我的頻道

* 拖拉類別可自訂排序
恢復預設 確定
設定
快訊

美中火藥庫 秦剛:台灣可能讓兩國捲入軍事衝突

巧妙對抗通貨膨脹 4大招月月節省數千元

女人的容忍力

黃太憤懣嘀咕:「佢做咗阿爺㗎啦,真係為老不尊,佢識埋嗰班正式係豬朋狗友。」

黃太和丈夫是退休人士,閒時弄孫為樂,生活安逸。但幸福美滿的生活,卻因黃太一次有意的「唔覺意」偷看了丈夫的手機,因而引起軒然大波。

「我一直以為佢同班男人群組都係吹吓水、講吓的飲飲食食無聊嘢啫,估唔到佢哋會…」

原來,黃太赫然發現丈夫的男人群組會互傳艷女照片和影片,裸體大胸脯的應有盡有,氣得黃太七葷八素,眾人對於此事的反應卻令她意料之外。

「呵呵呵!啲男人有邊個唔壞㗎,傳呢啲嘢好平常啫!」

「咪係,政治呀、宗教呀統統唔講得,講馬經、波經又無新意,咪搵啲視覺刺激囉!」

「唉,佢咁嘅年紀仲做得啲乜,咪俾佢得個睇字,望梅止渴囉!」

黃太料不到眾女友態度會如此開通包容,就連自己的子女都有這樣的反應:「媽,你唔偷睇阿爸手機,咪乜事都無囉!」這不是本末倒置嗎?她也糊塗了,但卻仍越想越氣:「哼,針刺不到肉不懂痛,又唔係發生喺你哋丈夫身上,你哋梗係可以口響啦!」

一直保持沉默的女友人開腔了:「我老公唔只得個睇字,我發現佢同女網友互傳性感照,對話淫賤露骨…」眾人一怔,然後有人問:「咁你點呀?」「有乜點啫,咪當無睇過,生活咪可以如常囉!」女人的容忍力,可以如同海量啊。

手機 退休

上一則

活著就是幸福

下一則

萬聖節

延伸閱讀

超人氣

更多 >