我的頻道

* 拖拉類別可自訂排序
恢復預設 確定
設定
快訊

南加槍擊案 台駐洛杉磯辦事處:槍手與傷亡全是台灣人

故事的另一版本

上次提及爸媽的寶貝獨女愛上離婚男,並義無反顧地照顧對方的七歲女兒,媽媽從此每天以淚洗面,心痛愛女揀錯郎甘願受苦受難。可是,每個故事都可能不只有一個版本,尤其是家事,即使是一家人,都會有截然不同的觀點。

「吓?我阿媽真係話怕我受傷害?呵呵!真諷刺!最傷害我嘅人其實係佢囉!」年輕人看上去精神煥發,一點也不像她媽媽所形容的自暴自棄、自甘墮落的窩囊相。

「我阿媽有幾毒舌,真係無人能及,我受夠啦!佢呢個人就係咁霸道,佢要所有人聽佢講,但係佢就從來都唔肯聽人講…」她愈講愈氣憤。

也許年輕人已受夠指摘了,此刻她最需要的是支持和鼓勵。「聽講你而家湊緊個七歲女仔喎,湊小朋友感覺如何?」我鋒轉話題,企圖緩和氣氛。

看上去頂多似個大學生的大細路,其實已年屆24,此刻嘴角浮起微笑:「可以呀,佢個女好跟我㗎,我哋一齊打機、一齊食雪糕,好開心呀,我男友開始有啲妒忌,話個女錫我多過錫佢呀…」

這個妹妹從小被爸媽寵愛保護,冥冥中被較能保護她的成熟男士吸引,而她自小被人照顧,從未試過照顧別人,如今擔起照顧七歲小朋友的責任,反而是一種新鮮的樂趣。

「我以前遲咗少少回家,阿媽都會幻想我遇意外死咗,佢成個腦都塞滿負面思維㗎啦!我嘅人生,俾我自己揀啦!」

「咁你阿爸點睇?」我問。「阿爸最清楚阿媽脾氣,佢叫我勿硬碰,等佢下咗啖氣再算喎!」這點倒有些意外,媽媽一直以為丈夫是聽從她的呢。

下一則

活著就是幸福

延伸閱讀

超人氣

更多 >